બાળકને બચાવવા માતા વાઘ સાથે લડી 20 મિનિટ સુધી,માતા આખી ઘાયલ થઈ ગઈ પણ…

એવું કહેવાય છે કે માતા પોતાના બાળકને જીવ કરતા વધારે પ્રેમ કરે છે.તેણી તેની સલામતી માટે પોતાનો જીવ જોખમમાં નાખવામાં સહેજ પણ અચકાતી નથી.હવે મધ્યપ્રદેશની આ બહાદુર માતાને જ જોઇલો.તેણી તેના 15 મહિનાના પુત્રને ભયજનક વાઘના મોઢામાંથી બહાર લાવી.આ દરમિયાન વાઘે તેના નખ પણ મહિલાની છાતીમાં ખોપી દીધા હતા.પરંતુ તેમ છતાં મહિલાએ હાર ન માની અને કોઈક રીતે તેના માસૂમ બાળકને બચાવી લીધો.

બહાદુર માની આ વાર્તા બાંધવગઢ ટાઈગર રિઝર્વની છે.અહીં અર્ચના ચૌધરી (પતિ ભોલા ચૌધરી) માનપુર બફર ઝોનને અડીને આવેલા જ્વાલામુખી વસાહતના રોહનિયા ગામમાં રહે છે.રવિવાર 4 સપ્ટેમ્બરે સવારે 10 વાગ્યે તેણી તેના 15 મહિનાના પુત્ર રાજવીરને નજીકના વાળામાં શૌચ કરવા માટે લઈ ગઈ હતી.ત્યારે અચાનક ઝાડીઓમાં છુપાયેલા વાઘે બાળક પર હુમલો કર્યો.

વાઘે લાકડાના કાંટાની વાડ ઓળંગી અને બાળકને જડબામાં દાબી દીધો.પોતાના બાળકને વાઘના મોંમાં જોઈને માતા ગભરાઈ ગઈ.જો કે તેણીએ બહાદુરી બતાવી અને વાઘનો સામનો કર્યો.તેના વાઘ સાથેનો આ મુકાબલો લગભગ 20 મિનિટ ચાલ્યો હતો.આ દરમિયાન વાઘના તીક્ષ્ણ નખ મહિલાના ફેફસામાં પહોંચી ગયા હતા.પરંતુ તેમ છતાં તે પુત્ર ખાતર વાઘ સાથે લડતી રહી.

અવાજ સાંભળીને થોડી જ વારમાં બંદોબસ્તના લોકો આવી પહોંચ્યા.બધાએ લાકડીઓ વડે વાઘને જંગલમાં ભગાડ્યો.બાદમાં લોકો માતા-પુત્રને સામુહિક આરોગ્ય કેન્દ્રમાં લઈ ગયા હતા.અહીં પ્રાથમિક સારવાર બાદ તેમને જિલ્લા હોસ્પિટલમાં મોકલવામાં આવ્યા હતા.ડોક્ટરોના જણાવ્યા અનુસાર બાળકને માથામાં ઈજા થઈ છે.પરંતુ તે હવે ખતરાની બહાર છે.

માતાની હાલત ગંભીર છે.વાઘના નખ તેના ફેફસામાં પોહચી ગયા.તેની ગરદન પણ તૂટી ગઈ હતી.સિવિલ સર્જન ડૉ. એલ.એન. રુહેલાએ જણાવ્યું કે ટાંકા લગાવ્યા પછી પણ રક્તસ્ત્રાવ બંધ થતો ન હતો.હાલ મહિલાને જબલપુર રીફર કરવામાં આવી છે.આ ઘટના બાદ ટાઈગર રિઝર્વના અધિકારીઓ ગામના લોકોને સતર્ક રહેવાની સલાહ આપી રહ્યા છે.