17 વર્ષના છોકરાએ બનાવી મહિલા રોબોટ,કરી રહી છે આવા કામ,જાણો વિગતે…..

કેરળના એક 17 વર્ષના છોકરાએ પોતાની જબરદસ્ત પ્રતિભા બતાવીને એક સ્ત્રી રોબોટ બનાવ્યો છે.જે રસોડામાં કામ કરશે અને તેને ખાવાનું અને પાણી આપશે.કેરળના કન્નુર જિલ્લામાં રહેતા આ છોકરાનું નામ મોહમ્મદ શિયાદ છે અને તે માત્ર 17 વર્ષનો છે.મીડિયા રિપોર્ટ્સ અનુસાર આ રોબોટ બનાવવાનો વિચાર છોકરાને ત્યારે આવ્યો જ્યારે તે કોરોનાના સમયગાળા દરમિયાન તેની માતાની મદદ કરવા અને તેમની સંભાળ રાખવાની યોજના બનાવવાનું વિચારી રહ્યો હતો.

ત્યારે તેણે વિચાર્યું કે તે માતાની મદદ માટે કંઈક અલગ કરશે.તે પછી તેણે તેના પર કામ કરવાનું શરૂ કર્યું.આ દરમિયાન છોકરાને સ્કૂલનો પ્રોજેક્ટ પણ મળ્યો અને તેણે આ પ્રોજેક્ટ હેઠળ આ રોબોટ બનાવ્યો.રોબોટ બનાવવા માટે પ્લાસ્ટિક,એલ્યુમિનિયમ શીટ્સ,ફિમેલ ડમી,સર્વિંગ પ્લેટ્સ વગેરેનો ઉપયોગ કરવામાં આવ્યો હતો.

છોકરાએ પોતે જણાવ્યું કે રોબોટમાં અલ્ટ્રાસોનિક સેન્સર લગાવવામાં આવ્યું છે.આ સેન્સર દ્વારા તેને સંચાલિત અને નિયંત્રિત કરવામાં આવે છે.તેને બનાવવામાં લગભગ દસ હજાર રૂપિયા લાગ્યા હતા.

તેણે કહ્યું કે રોબોટ તેની માતાને દરેક બાબતમાં મદદ કરે છે.તેણે આ રોબોટનું નામ પથૂતી રાખ્યું છે અને તેણે તેને છોકરીના કપડા પણ પહેરાવ્યા છે.આ રોબોટ રસોડામાં મદદ કરે છે અને ભોજનને ડાઇનિંગ હોલના ટેબલ પર રાખે છે.આ ઉપરાંત પાણી પણ લાવે છે.આ રોબોટની ઘણી તસવીરો સોશિયલ મીડિયા પર વાયરલ થઈ રહી છે.