વરુણ ધવન અને નતાશા દલાલના ઘરે એન્ટ્રી થઈ નાના મહેમાનની, અભિનેતાના પિતા ડેવિડ ધવન બન્યા દાદા…

બોલિવૂડ એક્ટર વરુણ ધવનના ઘરે ખુશીએ દસ્તક આપી છે. અભિનેતા-ફિલ્મ નિર્માતા ભાઈ રોહિત ધવન અને ભાભી જ્હાનવી ધવને આજે તેમના બીજા બાળકનું સ્વાગત કર્યું. જાહ્નવીએ મુંબઈની પીડી હિન્દુજા હોસ્પિટલમાં પુત્રને જન્મ આપ્યો છે. આ સાથે ધવન પરિવારમાં ખુશી ફેલાઈ ગઈ છે.

તમને જણાવી દઈએ કે, આ પહેલા રોહિત અને જ્હાન્વી એક દીકરીના પિતા છે. ચાર વર્ષ પહેલા એટલે કે 2018માં આ કપલે એક દીકરીને જન્મ આપ્યો હતો. હવે પુત્રના માતા-પિતા બનતા દંપતીની ખુશીમાં વધારો થયો છે. રોહિત અને જાહ્નવીએ વર્ષ 2012માં ગોવામાં ધામધૂમથી લગ્ન કર્યા હતા.

રોહિત ધવનની વાત કરીએ તો તેણે વર્ષ 2011માં ફિલ્મ દેસી બોયઝથી ડાયરેક્ટર તરીકે પોતાની કારકિર્દીની શરૂઆત કરી હતી. આ ફિલ્મમાં અક્ષય કુમાર, જોન અબ્રાહમ, દીપિકા પાદુકોણ અને ચિત્રાંગદા સિંહ મહત્વની ભૂમિકામાં હતા. ત્યારબાદ તેણે વર્ષ 2016માં ડિશૂમનું નિર્દેશન કર્યું. આમાં તેણે જોન અબ્રાહમ, વરુણ ધવન, જેકલીન ફર્નાન્ડિસને લીડ રોલમાં રાખ્યા હતા.

વરુણ ધવનની પત્ની નતાશા દલાલે આ વર્ષે માર્ચ મહિનામાં તેની ભાભી જાન્હવી માટે બેબી શાવરનું આયોજન કર્યું હતું. આ દરમિયાન અર્જુન કપૂરની બહેન અંશુલા કપૂરે પણ ભાગ લીધો હતો. અંશુલા કપૂરે પણ આ બેબી શાવરની તસવીરો તેના સોશિયલ મીડિયા પર શેર કરી છે.

રોહિતના વર્ક ફ્રન્ટ વિશે વાત કરીએ તો, તે હાલમાં તેના આગામી પ્રોજેક્ટ શહેઝાદામાં વ્યસ્ત છે. આ ફિલ્મમાં કાર્તિક આર્યન અને કૃતિ સેનન મુખ્ય ભૂમિકામાં છે. કાર્તિક આર્યન અને કૃતિ સેનનની આ ફિલ્મ અલ્લુ અર્જુન અને પૂજા હેગડેની ફિલ્મ ‘આલા વૈકુંઠપુરમુલા’ની સત્તાવાર રિમેક છે.