યુવતી મંદિરની અંદર જ કરવા લાગી ખરાબ ડાન્સ,બનાવ્યો આપત્તીજનક વિડીયો,પછી ગૃહમંત્રીએ કર્યું એવું કે યુવતીને માફી માંગવી પડી….

મધ્યપ્રદેશમાં ફરી એકવાર મંદિરના પગથિયાં પર બનેલા વીડિયોએ સોશિયલ મીડિયામાં ધૂમ મચાવી છે.જ્યારે હિન્દુ સંગઠનોએ આ વીડિયો પર નારાજગી વ્યક્ત કરી છે.ત્યારે રાજ્યના ગૃહ મંત્રી નરોત્તમ મિશ્રાએ પણ જિલ્લાના એસપીને મામલો ધ્યાનમાં આવ્યા બાદ એફઆઈઆર નોંધવાનો નિર્દેશ આપ્યો હતો.ત્યારબાદ યુવતી વિરુદ્ધ એફઆઈઆર નોંધવામાં આવી છે.

આ દરમિયાન વીડિયો બનાવનાર યુવતીએ સોશિયલ મીડિયાના માધ્યમથી માફી પણ માંગી છે.પરંતુ માફી માંગવાની સાથે I Don’t Care નું વલણ પણ દર્શાવ્યું છે.નેહા મિશ્રા નામની યુવતીએ છત્તરપુર જિલ્લાના લવકુશનગર સ્થિત પ્રસિદ્ધ માતા બંબરબૈની મંદિરના પગથિયાં પર ફિલ્મી ગીત પર ડાન્સ કરી વિડીયો બનાવીને સોશિયલ મીડિયા પર વાયરલ કર્યો હતો.

તમને જણાવીએ કે નેહાએ આ રીલ ભૂતકાળમાં સોશિયલ મીડિયા પર અપલોડ કર્યું હતું.નેહાના તેના સોશિયલ મીડિયા ઈન્સ્ટાગ્રામ પર 4 લાખથી વધુ ફોલોઅર્સ છે.નેહા એક મિત્રની મદદથી મંદિરના પગથિયાં પર બનાવેલા વીડિયોમાં વેસ્ટર્ન ડ્રેસમાં ફિલ્મના ગીત “મુન્ની બદનામ હુઈ “પર ડાન્સ કરતી જોવા મળે છે.જ્યારે આ વીડિયો હિંદુ સંગઠનોએ જોયો તો તેઓએ તેનો વિરોધ કર્યો અને તેને હિંદુ સંસ્કૃતિનું અપમાન ગણાવ્યું અને કાર્યવાહીની માંગ કરી.

તે જ સમયે જ્યારે મંદિર પરિસરમાં ટૂંકા કપડા પહેરીને શૂટ થયેલા ડાન્સ વીડિયોનો મામલો રાજ્યના ગૃહમંત્રી નરોત્તમ મિશ્રા સુધી પહોંચ્યો ત્યારે તેમણે પણ તેના પર નારાજગી વ્યક્ત કરી અને કહ્યું કે તે જે કપડાં પહેરે છે અને જે પ્રકારના દ્રશ્યો ફિલ્માવવામાં આવ્યા છે.તે વાંધાજનક છે.આ પહેલા પણ મંદિરોમાં આવા કિસ્સાઓ સામે આવતા રહ્યા છે.ત્યારે પણ અમે કાર્યવાહીની વાત કરી હતી.હવે પણ મેં SP છતરપુરને તેમની વિરુદ્ધ FIR દાખલ કરવા કહ્યું છે.

તે જ સમયે વિડિયોના વિવાદને જોતા નેહાએ તેના વિશે સોશિયલ મીડિયા પર માફી પણ માંગી.માફીના વીડિયોમાં નેહાએ કહ્યું કે મેં માફી માંગી લીધી છે પરંતુ કેટલાક લોકોને તેની સામે પણ વાંધો છે.નેહાએ વધુમાં કહ્યું કે મેં માફી માંગી છે કારણ કે માફી માંગવાથી કોઈ નાનું નથી થઈ જતું.હું પણ બ્રાહ્મણ પરિવારમાંથી છું.બધું સમજું છું અને જ્યારે મને ખબર પડી કે મારા કારણે ધાર્મિક સ્થળને ઠેસ પહોંચી છે ત્યારે મેં માફી માંગી.તેણે વધુમાં કહ્યું કે મેં કોઈ વ્યક્તિની માફી માંગી નથી.કોઈ શું વિચારે છે તેની મને પરવા નથી.જેને જે વિચારવું હોય તે વિચારતા રહો મને કોઈ પરવા નથી.