મા તુઝે સલામ,ગાયે અનાથ ગલુડિયાઓને દત્તક લીધા,દૂધ પીવડાવતો વિડીયો થયો વાયરલ,જુઓ

કહેવાય છે કે માતાના પ્રેમની કોઈ સીમા નથી હોતી.તે બધા બાળકોને સમાન રીતે પ્રેમ કરે છે.જ્યારે બાળક મુશ્કેલીમાં હોય છે ત્યારે તે ચોક્કસપણે તેના બાળકની મદદ કરે છે.તેમને મુશ્કેલીમાં જોઈને માતાનું હૃદય દ્રવી ઉઠે છે.માનવ માતા હોય કે પશુ માતા દરેકનો પ્રેમ આરાધ્ય હોય છે.હવે સોશિયલ મીડિયા પર વાયરલ થઈ રહેલી આ ગાય માતાને જ જુઓ કે તે કઈ રીતે બીજાના બચ્ચાને મુશ્કેલીમાંથી બહાર કાઢે છે.

ભારતમાં ગાયને ખૂબ જ પવિત્ર માનવામાં આવે છે.આપણે તેને માતા કહીએ છીએ.જોવામાં આવે તો ગાય ખરા અર્થમાં માતા કહેવાની હકદાર છે.તે શાંત પ્રાણી છે.દરેક સાથે પ્રેમથી વર્તે છે.ગાય માતાના પ્રેમનું તાજેતરનું ઉદાહરણ આ દિવસોમાં સોશિયલ મીડિયા પર જોરદાર વાયરલ થઈ રહ્યું છે.અહીં એક ગાય કૂતરાના ગલુડિયાઓને દૂધ પીવડાવતી જોવા મળે છે.

આ વાયરલ વીડિયોમાં જોઈ શકાય છે કે કેવી રીતે ગાય પ્રેમથી ભૂખ્યા કૂતરાના બચ્ચાને તેના આંચળમાંથી દૂધ પીવા દે છે.સ્વાદિષ્ટ ગાયનું દૂધ પીધા પછી ગલુડિયું તૃપ્ત થાય છે.આ ભૂખ્યા બચ્ચા માટે ગાય માતાએ જે કર્યું તે ખરેખર વખાણને પાત્ર છે.આપણે મનુષ્યો પણ આ ગાય પાસેથી કંઈક શીખી શકીએ છીએ.

આપણે બાળકો વચ્ચે ક્યારેય ભેદભાવ ન કરવો જોઈએ.જો કોઈ ભૂખ્યું હોય તો તેને મદદ કરવી જોઈએ.ગાયનો આ વીડિયો ટ્વિટર એકાઉન્ટ પર શેર કરેલો છે.વીડિયોની સાથે કેપ્શનમાં લખેલુ છે કે આ ફક્ત ભારતમાં જ થઈ શકે છે.

ગાય ગલુડિયાઓ પ્રત્યે પોતાનો પ્રેમ બતાવી રહી છે.લોકો આ વીડિયોને ખૂબ પસંદ કરી રહ્યા છે.એક યુઝરે કહ્યું કે માત્ર માતા જ બાળકોનું દર્દ સમજી શકે છે.પછી બીજાએ લખ્યું કે માતા આખરે માતા છે.તેના માટે બધા બાળકો સમાન છે.”

માત્ર ગાય જ નહીં પરંતુ બાકીના પ્રાણીઓની અંદર પણ માતાના પ્રેમનો દીવો બળતો રહે છે.હવે જુઓ આ વાયરલ વીડિયો કે જેમાં એક બકરી ગાયના વાછરડાને તેના આંચળમાંથી દૂધ પીવડાવી રહી છે.આ અદ્ભુત નજારો જોઈને તમને ખાતરી થઈ જશે કે પ્રાણીઓમાં પણ પ્રેમની લાગણી હોય છે.તેથી તમે તેમની પૂરા દિલથી સેવા કરો અને તેમને તકલીફ ન આપો.