ભત્રીજાના પ્રેમમાં પાગલ થઈ કાકી,ભાગીને કર્યા બંનેએ લગ્ન,મામલો પોહચ્યો સીએમ સુધી…..

રાજસ્થાનના ભરતપુર જિલ્લામાં એક અનોખો પ્રેમ પ્રકરણ સામે આવ્યો છે.જેમાં કાકીનું દિલ તેના ભત્રીજા પર જ પડી ગયું.જ્યારે સંબંધ મંજૂર કરવાની કોઈ શક્યતા ન હતી,ત્યારે અંતે, તેણી ભત્રીજા સાથે ભાગી ગઈ અને લગ્ન કરી લીધા. પ્રેમમાં પાગલ બનેલા કાકી અને ભત્રીજાને હવે લગ્ન બાદ પરિવારનો ડર લાગે છે.જેના કારણે તેણે સોશિયલ મીડિયા પર પોતાની લવ સ્ટોરી વાયરલ કરતી વખતે મુખ્યમંત્રી અશોક ગેહલોતને પણ ટેગ કર્યા છે.

આ મામલે એક્શનમાં આવી ગયેલી પોલીસે હવે બંનેને તેમના પરિવાર તરફથી સુરક્ષાની ખાતરી આપી છે.મળતી માહિતી મુજબ, ભરતપુરની રહેવાસી કાકીની ઉંમર 29 વર્ષની છે. જેની મથુરા નિવાસી કરિયાણાની દુકાન ચલાવતા તેના જુના ભત્રીજા સાથે પ્રેમસંબંધ ચાલતો હતો.ગયા મહિને 21 સપ્ટેમ્બરના રોજ તે ઘરેથી અચાનક ગુમ થઈ ગઈ હતી. આ અંગે તેના પરિવારજનોએ પોલીસ સ્ટેશનમાં ગુમ થયાની ફરિયાદ નોંધાવી હતી. પરંતુ પોલીસ પણ તેને શોધી શકી ન હતી.

આ મામલામાં યુવતીના પિતાનું કહેવું છે કે તેઓ તેમની પુત્રીના લગ્ન કરાવવા માંગતા હતા,પરંતુ તેમણે હંમેશા પોતાના પગ પર ઉભી રહેશે તેમ કહીને ના પાડી દીધી હતી.ત્યારબાદ અચાનક તે ઘરમાંથી ગાયબ થઈ ગઈ.સંબંધીઓ તરફથી જીવના જોખમને વર્ણવતા,બંનેએ સીએમ અશોક ગેહલોત, પૂર્વ નાયબ મુખ્યમંત્રી સચિન પાયલટ અને પોલીસ અધિકારીઓને ટેગ કરીને તેમના કોર્ટ મેરેજની માહિતી ટ્વિટ કરી છે.

જેમાં તેના પતિ અને સાસરિયાં બંનેએ તેમના પર જોખમ હોવાનું જણાવી સુરક્ષા આપવાની માંગ કરી છે. તેણે લખ્યું હતું કે, “બંને પરિવારો સાથે મળીને ત્રાસ આપી રહ્યા છે. માનસિક તણાવ આપે છે. મારો જીવ જોખમમાં છે. મેં મારી મરજીથી લગ્ન કર્યા છે, હાઈકોર્ટની બેન્ચે પણ લગ્નને માન્ય જાહેર કર્યા છે. ભગવાન મને મદદ કરે.”

યુવતીની મદદની વિનંતી પર ભરતપુર પોલીસ પણ એક્શનમાં આવી ગઈ હતી. પોલીસ વિભાગના ખાતામાંથી આ મામલાને રીટ્વીટ કરતી વખતે લખવામાં આવ્યું છે કે સંબંધિત સ્ટેશન ઈન્ચાર્જને આ મામલે નિર્દેશ આપવામાં આવ્યો છે. તેણે પોલીસ સ્ટેશન જઈને નિવેદન આપવું જોઈએ. પોલીસ તેમને સુરક્ષા પણ આપશે.