બાળકી સાથે આલિયાની પહેલી તસવીર સામે આવી? જાણો વાયરલ તસવીરનું સત્ય

અભિનેત્રી આલિયા ભટ્ટ અને રણબીર સિંહ તાજેતરમાં માતા-પિતા બન્યા છે. આલિયાએ 6 નવેમ્બર 2022ના રોજ પુત્રીને જન્મ આપ્યો હતો. કપૂર અને ભટ્ટ પરિવારમાં ઉજવણીનો માહોલ છે, સાથે જ આલિયા-રણબીરના ચાહકો પણ આ ખુશખબરથી ખૂબ જ ખુશ છે. બાળકીના જન્મના સમાચાર આવ્યા ત્યારથી ચાહકો નાની દેવદૂતને જોવા માટે ઉત્સુક છે.

આ દરમિયાન સોશિયલ મીડિયા પર નવજાત શિશુની ઘણી તસવીરો વાયરલ થઈ રહી છે અને એવો પણ દાવો કરવામાં આવી રહ્યો છે કે આ તસવીરો આલિયાની નવજાત બાળકીની છે.

શું ફોટાની વાસ્તવિકતા કંઈક બીજી છે?
જ્યારથી આલિયા ભટ્ટ માતા બનવાના સમાચાર સામે આવ્યા છે ત્યારથી યૂઝર્સ પણ સોશિયલ મીડિયા પર ખૂબ એક્ટિવ થઈ ગયા છે. એવા ઘણા યુઝર્સ છે જેઓ છોકરીની તસવીરોને મોર્ફ કરી રહ્યા છે અને તેને આલિયાની દીકરીના ફોટા તરીકે પોસ્ટ કરી રહ્યા છે.

ઇન્ટરનેટ પર આવી કેટલીય તસવીરો સામે આવી છે, જેમાંથી કેટલાકમાં આલિયા ભટ્ટની બાજુમાં બેડ પર આરામ કરતી બાળકી જોવા મળે છે, જ્યારે અન્યમાં આલિયાના ખોળામાં બાળકી જોવા મળે છે.

નકલી તસવીરોનું સત્ય સામે આવ્યું
આ મામલો માત્ર તસવીરો પૂરતો જ સીમિત નથી, પરંતુ તેને લગતા વીડિયો પણ ખૂબ વાયરલ થઈ રહ્યા છે. એક વીડિયોમાં હોસ્પિટલમાં આલિયા સાથે એક બાળકીને દેખાડવામાં આવી રહી છે,

એવો દાવો કરવામાં આવી રહ્યો છે કે આલિયાની દીકરીની આ પહેલી તસવીર છે. જો કે, આ તમામ બોગસ દાવાઓ છે. આવા ફોટા અને સમાચાર તદ્દન નકલી છે. હકીકત એ છે કે આલિયા ભટ્ટ અને રણબીર કપૂરના પરિવારના કોઈ સભ્ય દ્વારા આલિયાની પુત્રીની તસવીર જાહેર કરવામાં આવી નથી.

તમને જણાવી દઈએ કે માતા બન્યા બાદ આલિયા ભટ્ટે સોશિયલ મીડિયા પર માત્ર એક જ પોસ્ટ શેર કરી છે. જેમાં તેણે પુત્રીના જન્મની માહિતી ફેન્સ સાથે શેર કરી હતી. તેમના દ્વારા એક પોસ્ટર શેર કરવામાં આવ્યું હતું, જેના પર સિંહ-સિંહણ અને બચ્ચાની તસવીર છે. આ સાથે તેણે કેપ્શનમાં લખ્યું, ‘આ આપણા જીવનના સૌથી સારા સમાચાર છે. અમારું બાળક…તે એક જાદુઈ છોકરી છે.’