પતિ વિકી સાથે કેટરિના પહોંચી તેના મનપસંદ સ્થળે, તસવીર જોયા બાદ ચાહકોએ કહ્યું નાઈસ જોડી જૂઓ ફોટો….

બોલિવૂડનું ‘ચાર્મિંગ કપલ’ કેટરીના કૈફ અને વિકી કૌશલ આ દિવસોમાં રાજસ્થાનના સફારી જંગલોમાં ફરે છે. કેટરીનાએ અહીં ઘણી તસવીરો શેર કરી છે. વિકી અને કેટરીનાએ વર્ષ 2021માં ડિસેમ્બરમાં રાજસ્થાનમાં લગ્ન કર્યા હતા.બોલિવૂડ અભિનેત્રી કેટરિના કૈફ અને તેના પતિ અને અભિનેતા વિકી કૌશલ આ દિવસોમાં રજાઓ પર છે. રાજસ્થાનના પાલી જિલ્લામાં આવેલા ગામ જવાઈ બંધમાં આ યુગલ આ દિવસોમાં સફારી જંગલની મજા માણી રહ્યાં છે.

કેટરિના કૈફ પોતાના નવા વર્ષની રજા રાજસ્થાનમાં મનાવવા રાજસ્થાનના પાલીના જંગલો પહોંચી ગઈ છે. કેટરિનાએ તેને પોતાની ફેવરિટ જગ્યા ગણાવી છે.કેટરીના કૈફે પોતાની અને વિકી કૌશલની કેટલીક તસવીરો ઈન્સ્ટાગ્રામ પર શેર કરી છે. આ તસવીરો શેર કરતાં કેટરિના કૈફે લખ્યું, “‘એટલું જાદુઈ….મને લાગે છે કે આ મારી પ્રિય જગ્યાઓમાંથી એક છે.’

પ્રથમ તસવીરમાં કેટરીના કૈફ ચેક શર્ટમાં બ્લેક કેપ પહેરેલી જોવા મળે છે. આ પછી, અન્ય એક તસવીરમાં કેટરિના અને વિકી જમીન પર બેઠેલા મેટ પર પોઝ આપતા જોવા મળે છે.કેટરિના કૈફે તેની સફારી જંગલ ટ્રીપ દરમિયાન જોવા મળેલા ચિત્તા અને હરણની તસવીરો પણ શેર કરી છે. આ સાથે જંગલની સુંદર તસવીરો પણ શેર કરવામાં આવી છે.

આ તસવીરો પર ઘણા યુઝર્સે કોમેન્ટ પણ કરી છે. એક યુઝરે લખ્યું કે, કેટરિના જાદુ જેવી લાગે છે. એક યુઝરે લખ્યું, નવું વર્ષ આવું હોવું જોઈએ.જણાવી દઈએ કે કેટરિના અને વિકી પરિવાર સાથે ક્રિસમસ સેલિબ્રેટ કરીને રાજસ્થાન જવા રવાના થઈ ગયા છે. કપલે મુંબઈમાં નજીકના મિત્રો અને પરિવાર માટે ક્રિસમસ ડિનર અને પાયજામા પાર્ટીનું આયોજન કર્યું હતું.

કેટરિના અને વિકી કૌશલ ઘણીવાર એકબીજા સાથે તસવીરો શેર કરતા હોય છે. ક્રિસમસ પર, વિકી અને કેટરીના બંનેએ તેમના પરિવાર સાથેની તસવીરો શેર કરી હતી, જે વાયરલ થઈ હતી.વર્ક ફ્રન્ટની વાત કરીએ તો કેટરીના તેની આગામી ફિલ્મ વિજય સેતુપતિ સાથે કામ કરી રહી છે. આ ફિલ્મનું નિર્દેશન અંધાધુન ફેમ શ્રીરામ રાઘવન કરી રહ્યા છે. તેણે હાલમાં જ ફિલ્મનું પહેલું પોસ્ટર લોન્ચ કર્યું છે.સલમાન ખાન સાથે કેટરિના કૈફની ટાઇગર 3 પણ વર્ષ 2023માં આવી રહી છે.