નકલી IPS બનીને મહિલાઓ પાસેથી પૈસાની કરતાં હતા આ રીતે માંગણી,મહિલાઓના ફોટા બનાવીને કરતાં હતા બ્લેકમેલ,પછી આ રીતે ફૂટ્યો ભાંડો

વારાણસી પોલીસે મહિલાઓને બ્લેકમેલ કરીને છેતરપિંડી કરનારા બે આરોપીઓની ધરપકડ કરી છે. બંને આરોપીઓએ IPS ઓફિસરનો ફોટો તેમના વોટ્સએપ પર મુક્યો હતો અને પોતાને ઓફિસર કહીને તેમના ખાતામાં ઓનલાઈન પૈસા પડાવવાની ધમકી આપતા હતા.સતત ફરિયાદો મળતાં પોલીસે બંને આરોપીઓની ધરપકડ કરી હતી.

પોલીસને તપાસમાં જાણવા મળ્યું કે બંને આરોપીઓ ખાસ કરીને મહિલાઓને ટાર્ગેટ કરતા હતા અને તેમના ફોટા એડિટ કર્યા બાદ મોકલીને બ્લેકમેલ કરીને પૈસાની માંગણી કરતા હતા.પૈસા નહીં આપે તો ફોટો વાયરલ કરવાની ધમકી આપી પોલીસ કાર્યવાહીનો ડર પણ બતાવ્યો.

પોલીસના જણાવ્યા અનુસાર,બંને આરોપીઓએ અત્યાર સુધી ઘણી મહિલાઓને બ્લેકમેલ કરીને પૈસાની છેતરપિંડી કરી છે.પોલીસે બંને આરોપીઓ પાસેથી મોબાઈલ ફોન કબજે કર્યા છે જેના દ્વારા મહિલાઓ સાથે છેતરપિંડી કરવામાં આવતી હતી.

મોબાઈલ ફોનમાં અનેક મહિલાઓના ફોટા મળી આવ્યા છે.આ સિવાય ઘણા પોલીસ અધિકારીઓના ફોટા મળી આવ્યા છે જેમના નામ પર ધમકીઓ આપવામાં આવી હતી અને બેંક ખાતામાં છેતરપિંડીથી પૈસા લેવામાં આવ્યા હતા તેની માહિતી મળી છે.