જ્યારે પ્રેમી-પ્રેમીકા મિયાં-બીવી બની જાય છે,ત્યારે પ્રેમની વ્યાખ્યા કેવી રીતે બદલાય છે અહીં ‘જુગ જુગ જિયો’ની મૂળ વાત…..
જુગ જુગ જિયો ફિલ્મમાં કોમેડી સાથેની લાગણીઓની કેટલીક ખાસ ક્ષણો છે.જે થોડું હસાવે છે અને ક્યારેક તમને વિચારવા મજબૂર કરે છે.અનિલ કપૂરે ફરી એકવાર જુગ જુગ જિયોમાં જોરદાર પરફોર્મન્સ આપ્યું છે.વરુણ ધવને પોતાની સ્ટાઈલમાં કોમેડી અને ઈમોશન્સના રંગો ભર્યા છે.કિયારાએ ફિલ્મમાં ગ્લેમર સાથે તેનું પાત્ર ગંભીરતાથી ભજવ્યું છે.નીતુ સિંહે ઈમોશનલ સીનમાં પોતાના અભિનયની છાપ છોડી છે.
પ્રેમી-પ્રેમિકા,મિયાં બીવી બન્યા પછી જે બદલાવ જોવા મળે છે.તેને અલગ-અલગ ફિલ્મોમાં અલગ-અલગ રીતે બતાવવામાં આવે છે.હવે આ ફિલ્મમાં મિયાં બીવીની વાર્તાને ડાયરેક્ટર રાજ મહેતાએ અનિલ કપૂરની જોડી વરુણ ધવન અને કિયારા અડવાણીની સાથે નવા હળવાશથી સંભળાવી છે.નીતુ સિંહે દામ્પત્ય જીવનની મૂંઝવણને ઉકેલી બતાવી છે.આ ફિલ્મમાં કોમેડી સાથે ભાવનાઓની કેટલીક ખાસ ક્ષણો પણ છે.જે થોડું હસાવે છે અને ક્યારેક તમને વિચારવા મજબૂર કરે છે.
આ ફિલ્મની વાર્તા વરુણ ધવન અને કિયારા અડવાણીના પ્રેમ અને પ્રેમ પછીના લગ્નથી શરૂ થાય છે.લગ્ન પછી બંને કેનેડા પહોંચે છે જ્યાં તેમનો પ્રેમ નફરતમાં ફેરવાઈ જાય છે અને ત્યાં છૂટાછેડાની સ્થિતિ સર્જાય છે.જ્યારે બંને પરિવારના સભ્યોને આ વાત કહે છે.ત્યારે તેમને ખબર પડે છે કે વરુણના પિતા એટલે કે અનિલ કપૂર પોતે તેમની પત્ની ગીતા એટલે કે નીતુ કપૂરને છૂટાછેડા આપવા માંગે છે.
કરણ જોહર દ્વારા નિર્દેશિત આ ફિલ્મમાં તે તમામ કલાકારોની વચ્ચે પોતાની ખાસ સ્ટાઈલ બતાવી શકે છે.ફિલ્મમાં ઘણા પંજાબી ગીતો છે જે પરિસ્થિતિનો ભાગ છે.લાંબા સમય પછી કોઈ ફિલ્મમાં આટલો બધો ડાન્સ જોવા મળ્યો છે.જે આજકાલ ફિલ્મોમાં ઓછો થયો છે.ગીતો મિથુન અને તનિશ બાગચી જેવા મ્યુઝિક ડાયરેક્ટર દ્વારા કમ્પોઝ કરવામાં આવ્યા છે.નાચ પંજાબન ગીત ઘણું સારું છે.ભૂલ ભૂલૈયા 2 પછી આ ફિલ્મનો પ્રયાસ વધુ એક કોમેડી ફિલ્મ પરિવારને સિનેમાઘરોમાં લાવવાનો છે.
