છોકરીના ટ્રેકટર ચલાવવા પર પંચાયતે મોકલી નોટિસ,તે કાગળ ખેતરમાં લઈ જઈને ટ્રેકટર નીચે કચડી નાખ્યો…..

ઝારખંડની દીકરીઓ ગોલ્ડ મેડલ જીતી રહી છે.તો ક્યાંક ઝારખંડની દીકરીને ટ્રેક્ટર ચલાવવાની પણ મંજૂરી નથી આપવામાં આવી રહી.પંચાયતે ટ્રેક્ટર ચલાવવા બદલ યુવતી સામે ફરમાન જારી કર્યું છે.તેની સામે દંડ ફટકારવામાં આવ્યો છે અને માફી માંગવા માટે કહેવામાં આવ્યું છે.પંચાયત દ્વારા તેનો સામાજિક બહિષ્કાર કરવાની ધમકી પણ આપવામાં આવી રહી છે.

તેમજ ફરીથી ટ્રેક્ટર ન ચલાવવા માટે કહેવામાં આવી રહ્યું છે.પરંતુ યુવતીએ પંચાયતના આ હુકમને સ્વીકારવાનો સ્પષ્ટ ઈન્કાર કરી દીધો છે.આ બનાવ રાજ્યના ગુમલા જિલ્લાના વિશુનપુર બ્લોકની શિવનાથપુર પંચાયતની છે.અહીં રહેતી મંજુ ઓરાંએ ટ્રેક્ટર ચલાવવાને કારણે હોબાળો મચાવ્યો હતો.

મંજુ ઓરાં ટ્રેક્ટર ચલાવ્યા બાદ ગામમાં પંચાયત યોજાઈ હતી.મંજુના પરિવારજનોને પંચાયતમાં બોલાવવામાં આવ્યા હતા.જ્યાં પંચાયતે તેને ફરીથી ટ્રેક્ટર ન ચલાવવા સૂચના આપી હતી.માફીનું હુકમનામું બહાર પાડ્યું.જો તે આમ નહીં કરે તો તેનો બહિષ્કાર કરવાની ધમકી આપવામાં આવી હતી.મંજુ કાર્તિક ઓરાં કોલેજની બીએ પાર્ટ વનની વિદ્યાર્થીની છે.

તેનો પરિવાર ખેતી કરીને પોતાનું ગુજરાન ચલાવે છે.મંજુ તેની માતા અને ભાઈ સાથે રહે છે.મંજુના કહેવા પ્રમાણે તેમણે ખેતરમાં ખેડાણ કરવા માટે ટ્રેક્ટર ખરીદ્યું છે.માટે તે પંચાયતના આદેશનું પાલન કરશે નહીં.

આજના યુગમાં ઝારખંડની દીકરીઓ ભારત માટે ગોલ્ડ મેડલ જીતી રહી છે.પરંતુ એક જગ્યાએ દીકરીને ટ્રેક્ટર ચલાવવાથી પણ રોકવામાં આવી રહી છે.પંચાયતનું આ ફરમાન કોઈને પસંદ નથી.પંચાયત અંધશ્રદ્ધામાં છે કે ગામમાં છોકરી ટ્રેક્ટર ચલાવતી હોવાથી રોગચાળો ફેલાશે અને દુષ્કાળ પડશે.તેથી પંચાયતે તેની ખેતી પર પ્રતિબંધ મૂક્યો છે.

જો પંચાયતનો નિર્ણય સ્વીકારવામાં નહીં આવે તો સમાજમાંથી તેમનો બહિષ્કાર કરવામાં આવશે તેવું ફરમાન બહાર પાડવામાં આવ્યું છે.મંજુએ ખેતી કરીને જ ટ્રેક્ટર ખરીદ્યું છે.તે શાકભાજી અને ધાન્યની ખેતી કરે છે.