કિસ્મતને છીનવી લીધા બંને પગ,છતાં પણ આ મહિલાએ હાર ના માની,અને વ્હીલચેર ઉપાડીને નીકળી ગઈ નોકરી માટે….

કહેવાય છે કે મહેનતના રોટલાની વાત અલગ જ હોય ​​છે.કેટલાક લોકો પોતાના સંજોગોનું બહાનું કાઢીને ઘરે બેસીને અથવા ભીખ માંગીને રોટલી ખાવાનું પસંદ કરે છે.પરંતુ આવા આળસુ અને નિષ્ક્રિય લોકો માટે ફૂડ ડિલિવરી ગર્લ પ્રેરણા બની શકે છે.સ્વિગીમાં ફૂડ ડિલિવરીનું કામ કરતી આ મહિલા વિકલાંગ છે.પરંતુ તેમણે ક્યારેય પોતાની વિકલાંગતાને પોતાની નબળાઈ બનવા દીધી નથી.

ફૂડ ડિલિવરી બિઝનેસમાં સમયનું ખૂબ મૂલ્ય છે.ગ્રાહકો સમયસર તેમનું ભોજન ઈચ્છે છે.આવી સ્થિતિમાં ફૂડ ડિલિવરી કરનારાઓ તડકા,વરસાદ અને ઠંડીમાં પણ કોઈ ફરિયાદ વિના સખત મહેનત કરે છે જેથી આપણા જેવા લોકો ઘરે બેસીને પેટ ભરી શકે.ક્યારેક કોઈ કારણસર ખોરાક પોહચાડવામાં વિલંબ થાય છે.આવી સ્થિતિમાં આપણે ફૂડ ડિલિવરી કરનારને અપમાનિત કરીએ છીએ.જો કે જ્યારે તેના વિલંબનું સાચું કારણ જાણવા મળે છે ત્યારે શરમ અનુભવીએ છીએ.

આવું જ કંઈક એક ગ્રાહક સાથે થયું જેણે સ્વિગીમાંથી ફૂડ ઓર્ડર કર્યો.જ્યારે તેના ભોજનના આવવામાં વિલંબ થયો ત્યારે તે ખૂબ ગુસ્સે થયો.પરંતુ જ્યારે તેણે મહિલાને ફૂડ ડિલિવરી કરતી જોઈ ત્યારે તેને શરમ અનુભવાઈ.તેણે વિચાર્યું કે આ પરિસ્થિતિમાં પણ આ મહિલા સખત મહેનત કરી રહી છે.અને હું એ જ છું જે ઘરે બેસીને સહેજ પણ વિલંબમાં નારાજ થઈ જાવ છું.

આ વિકલાંગ સ્વિગી ડિલિવરી ગર્લનો વીડિયો જગવિંદર સિંહ ઘુમાન નામના યૂઝરે સોશિયલ મીડિયા વેબસાઇટ LinkedIn પર શેર કર્યો છે.આ વીડિયોની સાથે તેમણે કેપ્શનમાં લખ્યું- જો તમે ઓફિસ માટે મોડું કરો છો.તો તમે બિનજરૂરી વસ્તુઓનું બહાનું બનાવો છો.પરંતુ વાસ્તવિક હીરો સખત મહેનત કરે છે અને બહાનાને અવગણે છે.

આ વાયરલ વિડિયોમાં એક વિકલાંગ મહિલા સ્વિગી સર્વિસ ટી-શર્ટ પહેરેલી અને તેની મોટરવાળી વ્હીલચેરમાં ખોરાક પહોંચાડતી જોઈ શકાય છે.તે આ કામ દરેક હવામાન અને પરિસ્થિતિઓમાં અત્યંત ઇમાનદારીથી કરે છે.તેમનો પ્રયાસ છે કે ભોજન લોકો સુધી જલદી પહોંચે.મહિલાનું નામ વિદ્યા કુમારી જણાવવામાં આવી રહ્યું છે.

સોશિયલ મીડિયા પર આ દિવ્યાંગ સ્વિગી ગર્લની ખૂબ પ્રશંસા થઈ રહી છે. લોકો રમતિયાળ અને દંભી યુવકોને આ મહિલા પાસેથી બોધપાઠ લેવાની સૂચના આપી રહ્યા છે.સાથે જ કેટલાકે કહ્યું કે જો તમારામાં દૃઢ મનોબળ અને ઈચ્છા હોય તો તમે જીવનમાં કંઈપણ મેળવી શકો છો.સાથે જ કેટલાકે મહિલાને મદદ કરવાની ઓફર પણ કરી હતી.