અમદાવાદ પોલીસે લૂખ્ખા તત્વોને સિખવ્યો સબક,કાન પકડાવીને રસ્તાની વચ્ચે કરાવી ઉઠ બેસ,જુઓ વિડીયો

અમદાવાદ પોલીસે તાજેતરમાં એક વાયરલ વીડિયોની નોંધ લીધી હતી.જેમાં છોકરાઓ તેમની ચાલતી કાર પર ફટાકડા ફોડતા હતા અને બીજા જ દિવસે તેમની ઓળખ કરીને ધરપકડ કરવામાં આવી હતી.એટલું જ નહીં ટ્રાફિકના નિયમોનું ઉલ્લંઘન કરવા અને શહેરમાં હાહાકાર મચાવવા માટે પોલીસે તેમની પાસે ઉઠક-બેઠક કરાવી હતી.અમદાવાદ પોલીસે હવે તેમના વેરિફાઈડ ઓફિશિયલ ટ્વિટર હેન્ડલ પર #AhmedabadPolice હેશટેગ સાથે આ ઘટનાનો વીડિયો પોસ્ટ કર્યો છે અને

નેટીઝન્સ તેમની ઝડપી કાર્યવાહી માટે તેમની પ્રશંસા કરી રહ્યા છે.વાયરલ વીડિયોમાં કેટલાક લોકો રાત્રે ધીમી ગતિએ ચાલતી કાર પર ફટાકડા ફોડતા જોવા મળે છે.કેટલાક બોનેટ પર બેઠા છે તો કેટલાક કારની છત પર બેઠા છે.જેમ જેમ વિડિયો આગળ વધે છે તેમ તેમ તેઓ બીજે દિવસે રસ્તા પર ઉભા રહીને કાન પકડીને ઉઠક-બેઠક કરતા જોઈ શકાય છે.પોલીસે તેમની ભૂલની સજા રૂપે તેમને કેમેરાની સામે આવું કરાવ્યું હતું.

ઘણા છોકરાઓ તેમની ભૂલથી શરમ અનુભવતા દેખાયા હતા.કારણ કે તેમની ક્રિયાઓ રસ્તા પર રાહદારીઓની સલામતી માટે જોખમ ઉભી કરે તેવી હતી.આટલું જ નહીં અમદાવાદ પોલીસે નામ સાથે તેમની તસવીરો પણ અંતે પોસ્ટ કરી છે.આ વીડિયોને અત્યાર સુધી 7 લાખથી વધુ વ્યૂઝ અને 27 હજારથી વધુ લાઈક્સ મળી ચૂકી છે.આના પર ઘણી કોમેન્ટ્સ પણ આવી છે.એક વ્યક્તિએ કોમેન્ટ કરી કહ્યું કે ‘ગુડ જોબ અમદાવાદ પોલીસ,

કૃપા કરીને આવું કરતા રહો અને સિંધુ ભવન રોડ પર હંમેશા સારી ટુકડીઓ રાખો.ખાસ કરીને રાત્રિના સમયે શહેરની ગરિમાને બગાડનારા ઘણા બદમાશો છે.’અન્ય એક વ્યક્તિએ લખ્યું, ‘અમદાવાદ પોલીસ ઘણી સારી છે.ખૂબ જ ઝડપી કાર્યવાહી કરવામાં આવી છે.ત્રીજા યૂઝરે લખ્યું, ‘શાબાશ અમદાવાદ પોલીસ.નાગરિકો શાંતિથી જીવી શકે તે માટે કોઈપણ સંજોગોમાં કાયદો અને વ્યવસ્થા જળવાઈ રહેવી જોઈએ.

#AhmedabadPolice pic.twitter.com/ddwZCFd9Gf

— Ahmedabad Police 👮‍♀️અમદાવાદ પોલીસ (@AhmedabadPolice) October 27, 2022